أنا بعشق عادل إمام وإحنا حبايب واللى زعلان يشرب من البحر

جمعة, 10/06/2017 - 11:58 -- Majalati
نجيب ساويرس

علّق رجل الأعمال نجيب ساويرس، على تصريح الفنان عادل إمام بمهرجان الجونة السينمائى :"أنا جاى عشان خاطر نجيب ساويرس"، قائلاً:"هو بيتكلم من القلب عادى وحصل هجوم وناس بتتكلم، إحنا بقى بنحب بعض واللى زعلان يشرب من البحر".

وأضاف خلال لقائه ببرنامج "معكم"، على فضائية "cbc"، مع الإعلامية منى الشاذلى، أن تكريم الفنان عادل إمام بمهرجان الجونة كان يعد أهم شئ بالنسبة له، مشيراً إلى أنه يعشق الفنان عادل إمام بطريقة غير عادية.

وتابع :"أنا أخدت الشرف إنى أكون المصرى اللى جاى يقول لواحد مصرى تانى إنت حاجة كبيرة، ومن المردودات اللى رجعتلى من المهرجان، اكتر حاجة فيه إنى شوفت عادل إمام وهو فرحان"، لافتاً إلى أنه يحب الإنسان عادل إمام المصرى الأصيل الوطنى الذى يعيش قضايا وطنه ويستطيع أن يضحكنا.

وعن سخرية الفنان أحمد فهمى من نجيب وسميح ساويرس، قال ساويرس:"اللى يهمنى إنى ضحكت ولا لا، والتريقة دى والضحك الغرض منها إنه يضحكنا، المفروض إن احنا منزعلش، وانت لو واثق من نفسك تزعل ليه؟، واللى يزعل يبقى مش واثق فى نفسه".